Мінск. Галоўны архівіст аддзела публікацыі дакументаў Нацыянальнага гістарычнага архіва Беларусі, намеснік старшыні аб’яднання гуртка даследчыкаў генеалогіі “Радавод” гістарычнага факультэта БДУ, кіраўнік Школы Практычнай Генеалогіі пры праваслаўным прыходзе імя Свяціцеля Мікалая Японскага ў г. Мінск.

Конференция 2014 года:

• “Адраджэнне Памяці аб продках пачынаецца з дзеянняў нашчадкаў”. Гікаўскі фэст. Для ўсіх жадаючых.
  • План выступлення:
    1) Што прыносіць веданне свайго радаводу?
    2) Першыя крокі генеалагічнага пошуку: сямейны архіў, вусная гісторыя, апісанне могілак. Дзённікі і ўспаміны як асноўныя крыніцы жывой інфармацыі аб людзях. Праца з генеалагічнымі сайтамі і форумамі.
    3) Генеалагічная праца ў беларускіх архівах: матэрыялы па генеалогіі пасля 1917 г. (матэрыялы занальных, абласных і Нацыянальнага архіва), матэрыялы па генеалогіі да 1917 г. (метрыкі, рэвізіі, пасямейныя і прызыўныя спісы, інвентары, матэрыялы адмены прыгоннага права і перасяленняў, судовыя справы).
    4) Азнаямленне з архіўнымі дакументамі і асобнымі радаводамі.
  • Асобныя тэзісы выступлення:
    1) Веданне сваёй генеалогіі садзейнічае ўзбагачэнню вопытам папярэднікаў, спрыяе набыццю і ўмацаванню пэўных каштоўнасцей, выхаванню дзяцей на прыкладах сямейнай гісторыі.
    2) Матэрыялы вуснай гісторыі (oral history) – успаміны і сведчанні, якія збіраюцца з дапамогай апытання. Інтэрв’ю можа быць біяграфічным (наратыўным) і тэматычным. Асноўны сайт з матэрыяламі па дадзенай тэме – Беларускі архіў вуснай гісторыі www.nashapamiac.org.
    3) Матэрыялы некрапалістыкі. Надмагільныя надпісы змяшчаюць прозвішча, імя, імя па бацьку чалавека, даты жыцця і эпітафію, а таму прадстаўляюць значную генеалагічную цікавасць. Асноўны інтэрнэт-партал – www.niekropali.by, на якім прадстаўлены артыкулы па згаданай дысцыпліне, а таксама прыклады апісання асобных могілак.
    4) Матэрыялы асабістых і сямейна-родавых архіваў. У склад такіх архіваў уваходзяць дакументы самых розных тыпаў: пісьмовыя, кінафотафонадакументы, малюнкі, жывапіс, навукова-тэхнічныя даку­менты. Сярод пісьмовых дакументаў асабліва важна вылучыць мемуары, дзённікі, матэрыялы прыватнага ліставання.
    5) Сучасныя генеалагічныя даследаванні будуюцца на падставе дакументальных крыніц XVIII – пачатку ХХ стст. Для Беларусі гэта метрычныя кнігі рэлігійных супольнасцей, перапісы насельніцтва, інвентары і іншыя матэрыялы.
    6) Дэманстрацыя архіўных дакументаў і асобных радаводаў (маюцца як раздрукаваныя копіі, так і электронныя варыянты).